М. Қозыбаев атындағы Солтүстік Қазақстан университетінің базасында Солтүстік Қазақстан облысының әкімі Гауез Нұрмұхамбетовтың төрағалығымен Ғылым және технологиялар жөніндегі кеңестің кеңейтілген отырысы өтті.

Отырыс барысында өңірдің ғылыми-технологиялық әлеуетін дамытудың стратегиялық мәселелері, сондай-ақ ғылым мен экономиканың нақты секторының өзара іс-қимылын күшейту тетіктері қаралды. Облыстың 16 кәсіпорнының қатысуымен ғылыми-өндірістік консорциумдар құру туралы келісімдерге қол қою орталық оқиға болды.

Кеңес жұмысына «С.М. Киров атындағы зауыт» АҚ Бас директоры Алмас Нұрмағамбетов қатысты. Іс-шара аясында кәсіпорын зауыттың өндірістік процестеріне инновациялық әзірлемелер мен заманауи технологияларды енгізуге бағытталған ынтымақтастық туралы бірлескен келісімге қол қойылды.

Қол қойылған құжаттар тараптардың бірлескен ғылыми жобаларды іске асыру, әзірлемелерді коммерцияландыру және білікті кадрларды даярлау жөніндегі ниеттерін бекітеді. Өзара іс-қимылдың бұл форматы «ғылым – өндіріс» тұрақты экожүйесін қалыптастыруға ықпал етеді, технологиялар трансферін қамтамасыз етеді және отандық өнеркәсіптің бәсекеге қабілеттілігін арттырады.

Консорциумдар құру өңір кәсіпорындарын жаңғырту, озық шешімдерді енгізу және Солтүстік Қазақстан облысының елдің өнеркәсіптік және ғылыми орталығы ретіндегі ұстанымдарын нығайту үшін жаңа мүмкіндіктер ашады.