«С.М. Киров атындағы зауыт» АҚ өкілдері мұнай-газ саласының жетекші ойыншыларын, технология жеткізушілерді және сарапшыларды біріктіретін маңызды салалық алаңдардың бірі - «Атырау Мұнай және Газ» 23-ші Солтүстік Каспий өңірлік көрмесіне қатысты. Бұл іс-шара дәстүрлі түрде тәжірибе алмасу, инновациялық шешімдерді таныстыру және стратегиялық серіктестіктерді қалыптастыру үшін тиімді платформа болып табылады.

Іссапар аясында зауыт делегациясы бірқатар іскерлік кездесулер өткізді. Солардың ішінде негізгісі - «Karabatan Utility Solutions» ЖШС-мен жүргізілген келіссөздер болды. Кездесу қорытындысы бойынша тараптар ұзақ мерзімді серіктестікті дамыту ниетін бекіткен ынтымақтастық туралы меморандумға қол қойды. Әсіресе «Ұлттық индустриялық мұнай-химия технопаркі» арнайы экономикалық аймағы (АЭА «ҰИМХТ») аумағында мұнай-химия өндірістеріне арналған энергетикалық инфрақұрылымды дамыту бағытындағы өзара іс-қимыл перспективаларына ерекше назар аударылды.

Сонымен қатар кәсіпорын өкілдері газтурбиналық электр станциясының өндірістік қуаттарымен танысып, серіктес нысандарында қолданылатын су дайындау және ағынды суларды тазарту бойынша заманауи технологиялық үдерістерді зерделеді.

Меморандумға қол қою өндірістік кооперацияны кеңейтуге және өнеркәсіпті дамыту мен саланың технологиялық әлеуетін арттыруға бағытталған бірлескен жобаларды іске асыруға жаңа мүмкіндіктер ашады.